भूषण कॉलनीतून तरूणाचे दोन मोबाईल लांबविले

रामानंद नगर पोलीसात अज्ञात चोरट्यांविरूध्द गुन्हा दाखल

जळगाव-लाईव्ह ट्रेंडस न्यूज प्रतिनिधी । शहरातील भूषण कॉलनी परिसरातून विद्यार्थ्यांचे महागडे दोन मोबाईल लांबविल्याची घटना घडली आहे. याबाबत रामानंदनगर पोलीस ठाण्यात गुन्हा दाखल करण्यात आला आहे.

 

याबाबत अधिक माहिती अशी की, तेजस सुनिल विखणकर (वय-१९) रा. खिर्डी ता. रावेर ह.मु. शांती सदन, भूषण कॉलनी हा शिक्षणासाठी भाड्याच्या खोलीत राहतो. गुरूवार १६ जून रोजी सकाळी ७ ते ९.३० वाजेच्या सुमारास त्याच्या खोलीतून अज्ञात चोरट्याने १७ हजार रूपये किंमतीचे दोन मोबाईल चोरून नेले. तेजसला हा प्रकार लक्षात आल्यानंतर त्याने परिसरात शोधाशोध केली परंतू मोबाईल कुठेही आढळून आला नाही. दुपारी ४ वाजता त्याने रामानंदनगर पोलीसात धाव घेवून तक्रार दिली. त्यांच्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस नाईक जितेंद्र तावडे करीत आहे.

आम्हाला विविध सोशल मंचावर फॉलो करा

Comments are closed, but trackbacks and pingbacks are open.

error: Content is protected !!