जळगाव लाईव्ह ट्रेंडस न्यूज प्रतिनिधी । जळगाव शहरातील एका भागात राहणाऱ्या दोन अल्पवयीन मुलींसोबत अश्लिल चाळे करत एका ३५ वर्षीय तरुणाने विनयभंग केल्याची धक्कादायक घटना रविवारी २३ मार्च रोजी पहाटे ५ वाजता घडली आहे. या संदर्भात रात्री ११ वाजता शनिपेठ पोलीस ठाण्यात गुन्हा दाखल करण्यात आला आहे.
जळगाव शहरातील एका भागात ६ वर्षीय आणि ९ वर्षीय या दोन अल्पवयीन मुली आपल्या परिवारासह वास्तव्याला आहे. दरम्यान संशयित आरोपी मनोज भीमराव धनगर वय- २५ रा. जळगाव याने या दोन्ही मुलींसोबत असली अश्लील चाळे करत त्यांचा विनयभंग केल्याचा प्रकार घडला आहे. हा प्रकार रविवारी २३ मार्च रोजी पहाटे ५ वाजेच्या सुमारास घडला आहे. दरम्यान ही घटना घडल्यानंतर पीडित मुलीच्या नातेवाईकांनी शनीपेठ पोलिस ठाण्यात धाव घेऊन या संदर्भात तक्रार दिली आहे. त्यानुसार रात्री ११ वाजता संशयित आरोपी मनोज भीमराव धनगर या तरुणाविरोधात शनिपेठ पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक प्रिया दातीर ह्या करीत आहे.
