रावेर-लाईव्ह ट्रेंडस न्यूज प्रतिनिधी । रावेर शहरात महाशिवरात्रीचा उत्सव मोठ्या उत्साहात साजरा झाला. शहरातील प्रसिद्ध श्री विश्वेश्वर महादेव मंदिरात महाशिवरात्रीनिमित्त विशेष पूजा आणि धार्मिक कार्यक्रमांचे आयोजन करण्यात आले होते. पहाटेपासूनच भाविकांनी दर्शनासाठी मंदिरात गर्दी केली होती.
महाअभिषेक आणि फराळ वाटप:
श्री विश्वेश्वर महादेव मंदिरात मध्यरात्री ३ वाजता महादेवाचा अभिषेक करण्यात आला. श्रीराम नगरमधील नरेंद्र महाराज सत्संग परिसरात राहणाऱ्या भाविकांनी एकत्र येऊन हा अभिषेक केला. या वेळी सुभाष महाजन, समाधान महाजन, जीवन टी. महाजन, संदीप महाजन, योगेश इंगळे, मनोज चौधरी, कपिल महाजन, ज्ञानेश्वर महाजन, राजेंद्र फुल्लारी, महेंद्र महाजन, गणेश चौधरी, जीवन चौधरी, सचिन लोहार, सचिन बारी, समाधान महाजन आदी भाविकांनी विशेष भक्तिमय वातावरणात पूजाअर्चा केली. तसेच, दिवसभर भाविकांसाठी फराळ वाटपाचा कार्यक्रम आयोजित करण्यात आला होता.
सुंदरकांड पठण आणि स्वामी विष्णू गिरी यांची भेट:
रात्री मध्य प्रदेशातील बुऱ्हाणपूर येथील श्री राधे मंदिर संस्थेच्या वतीने सुंदरकांड पठणाचे आयोजन करण्यात आले होते. सुंदरकांड ऐकण्यासाठी भाविकांनी मोठ्या संख्येने उपस्थिती दर्शवली. या धार्मिक सोहळ्याला श्री श्री महामंडलेश्वर स्वामी श्री विष्णू गिरी जी बापूजी (श्री पंचदशनाम जूना आखाड़ा) यांनी मंदिराला भेट दिली.
मंदिर समितीचे विशेष प्रयत्न:
हा संपूर्ण धार्मिक सोहळा श्री विश्वेश्वर मंदिर समितीच्या पुढाकाराने पार पडला. योगेश फुलारी, जीवन महाजन, संदीप महाजन, मनोज चौधरी, कपिल महाजन, डी. के. महाजन, विजय महाजन, भाऊलाल चौधरी, प्रमोद महाजन, राहुल महाजन, गणेश फुलारी यांनी या कार्यक्रमासाठी विशेष परिश्रम घेतले. महाशिवरात्रीनिमित्त शहरातील विविध भागांतही अभिषेक व फराळ वाटपाचे कार्यक्रम मोठ्या भक्तिभावाने साजरे करण्यात आले.
