भुसावळ लाईव्ह ट्रेंडस न्यूज प्रतिनिधी । भुसावळ शहरातील खडका रोडवर भरधाव वेगाने येणाऱ्या डंपरने दुचाकीला धडक दिल्याने ६० वर्षीय वृध्द जखमी झाल्याची घटना बुधवारी ६ नोव्हेंबर रोजी दुपारी १२ वाजता घडली होती. याप्रकरणी डंपरवरील अज्ञात चालकाविरोधात भुसावळ बाजारपेठ गुन्हा दाखल करण्यात आला आहे.
याबाबत अधिक माहिती अशी की, शेख चाँद शेख हसन वय ६० रा. भुसावळ हे आपल्या परिवारासह वास्तव्याला आहेत. बुधवार ६ नोव्हेंबर रोजी दुपारी १२ वाजता ते दुचाकी क्रमांक (एमएच १९ सीके ९३९८) ने भुसावळात खडका रोडवरून जात असतांना मागुन भरधाव वेगाने येणाऱ्या डंपरने त्यांच्या दुचाकीला जोरदार धडक दिली. या धडकेत दुचाकीस्वार शेख चॉद शेख हसन हे जखमी झाले. त्यांना भुसावळातील खासगी रूग्णालयात दाखल करण्यात आले. याप्रकरणी बुधवारी १३ नोव्हेंबर रोजी रात्री ११ वाजता भुसावळ बाजारपेठ पोलीस ठाण्यात अज्ञात डंपर चालकावर गुन्हा दाखल करण्यात आला आहे. पुढील तपास पोलीस नाईक सोपान पाटील हे करीत आहे.
