बारामती-वृत्तसेवा | राज्याचे उपमुख्यमंत्री अजितदादा पवार यांच्या विमानाला बारामती येथे अपघात झाला असून यात त्यांच्यासह सहा जणांचा मृत्यू झाल्याची माहिती डीजीसीएच्या वतीने देण्यात आली आहे.
राज्याचे उपमुख्यमंत्री अजितदादा पवार यांच्या विमानाला बारामती विमानतळाजवळ मोठा अपघात झाल्याने खळबळ उडाली आहे. या अपघातात पवार यांच्यासह काही जण गंभीर जखमी झाल्याची माहिती समोर आली आहे. अजित पवार हे लहान विमानाने बारामतीकडे रवाना झाले होते. येथे लँडींग करत असतांनाच विमानतळाच्या जवळ असलेल्या शेतात हे विमान कोसळले. विमान कोसळल्याच्या नंतर या विमानाने पेट घेतला. काही क्षणातच ही घटना घडली. जिल्हा परिषद निवडणुकीसाठी अजित पवार हे सभा घेणार होते. याचसाठी ते बारामती येथे जात असल्याचे सांगण्यात येत आहे.
दरम्यान, विमान अपघातानंतर सकाळी पावणेदहा वाजेच्या सुमारास डीजीसीएच्या वतीने यात सहा जणांचा मृत्यू झाल्याची माहिती देण्यात आली आहे. यामुळे राज्याच्या राजकीय वर्तुळावर शोककळा पसरली आहे.
