मुंबई-वृत्तसेवा | सॅमसंगने अखेर आपली बहुप्रतिक्षित गॅलेक्सी S25 सिरीज भारतात लॉन्च केली आहे. या सिरीजमध्ये तीन मॉडेल्स आहेत – S25, S25+, आणि S25 Ultra यांचा समावेश आहे. तर खूप चर्चा सुरु असलेल्या गॅलेक्सी S25 Slim मॉडेल ऐवजी गॅलेक्सी S25 Edge मॉडेल सादर करण्यात आले आहे.
गॅलेक्सी S25 सिरीजच्या किंमती आणि फीचर्स
सॅमसंग गॅलेक्सी S25 या मालिकेतील भारतात S25 मॉडेलची किंमत ₹80,999 आहे, तर S25+ ₹99,999 आणि S25 Ultra ₹1,29,999 इतक्या किंमतीत उपलब्ध होणार आहे. गॅलेक्सी S25 Ultra हा सिरीजमधील सर्वाधिक प्रगत मॉडेल आहे. यामध्ये 6.9-इंचाचा मोठा डिस्प्ले, Snapdragon 8 Elite प्रोसेसर, आणि 12GB RAM आहे. Ultra मॉडेलचे खास वैशिष्ट्य म्हणजे त्याचा 200MP कॅमेरा सेटअप, असून याच्या मदतीने उत्तम फोटो घेता येणार आहेत.
जबरदस्त कॅमेरा
गॅलेक्सी S25 Ultra मध्ये चार कॅमेरे आहेत:
200MP प्रायमरी कॅमेरा: अल्ट्रा-हाय-डेफिनिशन फोटोग्राफीसाठी.
50MP अल्ट्रा-वाइड कॅमेरा: विस्तीर्ण शॉट्ससाठी.
50MP टेलीफोटो कॅमेरा: 5x ऑप्टिकल झूमसह.
10MP टेलीफोटो कॅमेरा: 3x ऑप्टिकल झूमसह.
यासोबत समोरच्या बाजूस 12MP कॅमेरा आहे, जो सेल्फीज आणि व्हिडिओ कॉल्ससाठी उत्कृष्ट असाच आहे.
डिझाइन
S25 Ultra च्या डिझाइनमध्ये लक्षणीय बदल करण्यात आले आहेत. यामध्ये गोलसर कडा देण्यात आल्या आहेत, ज्यामुळे फोन अधिक आकर्षक दिसतो. हा फोन फक्त 218 ग्रॅम वजनाचा असून त्यामध्ये 5,000mAh बॅटरी असुन ती जलद चार्जिंगला सपोर्ट करनरी आहे.
S25 आणि S25+ चे फीचर्स
S25 आणि S25+ मॉडेल्समध्ये तुलनेने लहान स्क्रीन साइज आहे. S25 मध्ये 6.2-इंचाचा डिस्प्ले आहे, तर S25+ मध्ये 6.7-इंचाचा डिस्प्ले आहे. दोन्ही मॉडेल्समध्ये 50MP प्रायमरी कॅमेरा, 12MP अल्ट्रा-वाइड, आणि 10MP टेलीफोटो कॅमेरा आहे.
S25 मॉडेलमध्ये 4,000mAh बॅटरी आहे, तर S25+ मध्ये 4,900mAh बॅटरी आहे. चार्जिंग स्पीडमध्येही फरक आहे – S25 मॉडेल 25W जलद चार्जिंगला सपोर्ट करते, तर S25+ मॉडेल 45W चार्जिंगला सपोर्ट करते.
AI तंत्रज्ञानाने युक्त फीचर्स
सॅमसंगने कंपनीने या मॉडेल्स मध्ये Android 15 आधारित One UI 7 सादर केले आहे, ज्यामध्ये अनेक AI-आधारित फीचर्सचा समावेश आहे. गुगलचे Gemini AI एजंट्स हे यामधील प्रमुख वैशिष्ट्य आहे, जे वापरकर्त्यांना जलद आणि प्रभावी कार्यक्षमता प्रदान करते.
Generative Edit: फोटो एडिटिंगसाठी नवीन वैशिष्ट्य, ज्याद्वारे व्यक्ती आणि त्यांची सावली फोटोमधून काढून टाकता येते.
Now Brief: वैयक्तिकृत डेली अपडेट्स मिळवण्यासाठी.
AI Select Tool: स्क्रीन अॅक्टिव्हिटीवर आधारित AI सुचवणीसाठी.
Live Video: वापरकर्त्याला स्टेप-बाय-स्टेप मार्गदर्शन करते.
Natural Language Search: गॅलरीमध्ये नैसर्गिक भाषेच्या शोधासाठी.
AI च्या सहाय्याने फोन अधिक स्मार्ट आणि वापरण्यास सुलभ बनला आहे.
तब्बल सात वर्षांचा सॉफ्टवेअर सपोर्ट
S25 सिरीजच्या सर्व मॉडेल्सना 7 वर्षांचे OS अपडेट्स आणि सुरक्षा पॅच मिळणार आहेत. सर्व मॉडेल्समध्ये Snapdragon 8 Elite प्रोसेसर आहे, जो 2025 चा नवीनतम फ्लॅगशिप चिपसेट आहे. या चिपसेटमध्ये प्रगत APU आहे, जो फोनच्या कार्यक्षमतेला आणखी वाढवणारा आहे. तर अल्ट्रा मॉडेलमध्ये व्हेपर चेंबर 40% मोठे केले गेले आहे, ज्यामुळे कुलिंग प्रणाली सुधारली आहे. नवीन गॅलेक्सी S25 Edge मॉडेल स्लिम प्रोफाइलसाठी ओळखले जाते. यामध्ये प्रगत वैशिष्ट्यांचा समावेश आहे, ज्यामुळे हा फोन युनिक दिसतो.
भारतात विशेष ऑफर आणि उपलब्धता
सॅमसंगने गॅलेक्सी S25 सिरीजसाठी भारतात अनेक आकर्षक ऑफर जाहीर केल्या आहेत. प्री-बुकिंग करणाऱ्या ग्राहकांना अतिरिक्त फायदे मिळतील.
सॅमसंग गॅलेक्सी S25 सिरीज ही एआय तंत्रावर आधारित प्रगत वैशिष्ट्यांनी सज्ज असलेली आहे. उत्कृष्ट कॅमेरा अनुभव, प्रगत डिझाइन, आणि दीर्घकालीन सॉफ्टवेअर सपोर्ट यामुळे ही सिरीज तंत्रज्ञानप्रेमींसाठी उत्तम पर्याय ठरू शकतो.
