रिक्षाचालकाला लोखंडी पट्टीने मारहाण; रिक्षाचेही नुकसान

जळगाव-लाईव्ह ट्रेंडस न्यूज प्रतिनिधी । शहरातील समता नगर भागात काहीही कारण नसतांना रिक्षा चालकाला लोखंडी पट्टीने मारहाण करून दुखापत केल्याची घटना घडली आहे. याप्रकरणी रामानंदनगर पोलीस ठाण्यात एकावर गुन्हा दाखल करण्यात आला आहे.

याबाबत अधिक माहिती अशी की, संतोष सुर्यभान चौधरी (वय-४२) रा. समता नगर, जळगाव हे आपल्या कुटुंबियांसह वास्तव्याला आहे. रिक्षा चालवून आपला उदरनिर्वाह करतात. बुधवार २ जून रोजी सायंकाळी ४ वाजेच्या सुमारास संतोष चौधरी हे घरी असतांना त्याच भागात राहणारा आकाश केशव पवार याने दारूच्या नशेत येवून काहीही कारण नसतांना बेदम मारहाण केली तर हातातील लोखंडी पट्टीने वार करून जखमी केले. तसेच संतोष चौधरी यांची रिक्षा क्रमांक (एमएच  १९ सीडब्ल्यू ४८८२) हिच्यावर दगड फेकून नुकसान केले. याप्रकरणी संतोष चौधरी यांच्या फिर्यादीवरून संशयित आरोपी आकाश पवार याच्या विरोधात रामानंदनगर पोलीस ठाण्यात गुन्हा दाखल करण्यात आला आहे. पुढील तपास पोलीस नाईक ज्ञानेश्वर पाटील करीत आहे.

 

Protected Content