रावेर-लाईव्ह ट्रेंडस न्यूज प्रतिनिधी । रावेर तालुक्यात एका व्यक्तीने अल्पवयीन मुलीचा विनयभंग केल्याची धक्कादायक घटना घडली आहे. पोलिसांनी संशयित आरोपीला अटक केली असून, न्यायालयात हजर केले असता त्याला न्यायालयीन कोठडी सुनावण्यात आली आहे.
पोलिसांनी दिलेल्या माहितीनुसार, डिगंबर राजाराम पाटील याने एका अल्पवयीन मुलीला हातवारे करून, अश्लील बोलून, धमकावून आणि शिवीगाळ करून विनयभंग केला. ही घटना सोमवारी रात्री घडली होती. या प्रकरणी रावेर पोलीस ठाण्यात पोक्सो कायद्यांतर्गत गुन्हा दाखल करण्यात आला आहे. पोलिसांनी आरोपीला अटक करून न्यायालयात हजर केले असता, त्याला न्यायालयीन कोठडी सुनावण्यात आली आहे. या प्रकरणाचा पुढील तपास पोलीस निरीक्षक डॉ. विशाल जयस्वाल यांच्या मार्गदर्शनाखाली सहाय्यक पोलीस निरीक्षक अंकुश जाधव करत आहेत.
