मुंबई-लाईव्ह ट्रेंडस न्यूज वृत्तसेवा | महाराष्ट्र राज्यात विधानसभा निवडणूकीची घोषणा झाली आहे. अनेक नेत्यांनी उमेदवारी अर्ज भरले आहे. ही अर्ज भरण्याची प्रक्रिया २९ ऑक्टोबरपर्यत देण्यात आली. त्यानंतर प्रचाराला सुरूवात होईल. महायुतीच्या प्रचारासाठी पंतप्रधान नरेंद्र मोदी महाराष्ट्रात येणार असून ते ८ सभा घेणार आहे.
पंतप्रधान मोदी ७ ते १४ नोव्हेंबर दरम्यान महाराष्ट्रात येणार असून या ८ दिवसात विविध मतदारसंघात जाहीर सभा घेणार आहे. त्यानंतर पंतप्रधान परदेश दौऱ्यावर जाणार आहे. पंतप्रधान नरेंद्र मोदी केवळ भाजपच नाही तर महायुतीच्या घटक पक्षातील उमेदावारांच्या प्रचारासाठी सुद्धा सभा घेतील.
