नवी दिल्ली वृत्तसंस्था । कोरोनावर मात केलेल्या रूग्णाला पुन्हा याचा प्रादूर्भाव होत असल्याचा प्रकार आढळून आल्याने आरोग्य यंत्रणा सतर्क झाल्या आहेत.
कोरोनाबाबत जगभरात मोठ्या प्रमाणात संशोधन सुरू असतांना हाँगकाँगच्या ताज्या प्रकरणानं पुन्हा एकदा संपूर्ण जग चिंतेत टाकलं आहे. एप्रिल महिन्यात कोरोनापासून बरे झालेल्या व्यक्तीला पुन्हा संसर्ग झाल्याचे आढळले आहे. शास्त्रज्ञांचे म्हणणे आहे की पुन्हा संसर्गाची ही पहिली घटना कोड्यात टाकणारी आहे.
विमानतळाच्या तपासणीत या ३३ वर्षीय व्यक्तीला पुन्हा संसर्ग झाल्याचे निदर्शनास आले. ही व्यक्ती युरोपहून हाँगकाँगला आली होती. हाँगकाँग युनिव्हर्सिटीच्या संशोधकांनी जीनोमिक सीक्वेन्सद्वारे शोधून काढले की त्या व्यक्तीला दोन वेगवेगळ्या प्रकारांनी संक्रमण झाले आहे. संशोधकांनी असे सांगितले की त्यांच्या दुसर्‍या संसर्गाच्या वेळी या व्यक्तीमध्ये कोणतीही लक्षणे दिसली नाहीत. यामुळे हा संसर्ग सौम्य प्रकारातील असल्याचे दिसून आले असले तरी हा प्रकार चिंताजनक असाच आहे.
या अध्ययनाबाबत क्लिनिकल इन्फेक्टीव्ह डिसीज जर्नलमध्ये लेख प्रसिद्ध झाला आहे. अभ्यासाचे मुख्य लेखक क्वाक-यंग यूएन आणि त्यांचे सहकारी म्हणाले, आमच्या संशोधनातून असे दिसून आले की सार्स-सीओव्ही -२ मानवांमध्ये टिकून राहू शकते. काही रुग्ण लक्षणे मागे घेत असूनही कित्येक आठवडे व्हायरसने संक्रमित असतात. अशा प्रकरणांमध्ये जुन्या संसर्गाची पुनरावृत्ती होत आहे की नाही, नवीन संसर्ग उद्भवत आहे की संसर्ग उशिरा सापडला आहे हे संशोधकांना अद्याप समजू शकलेले नाही.
