भुसावळ लाईव्ह ट्रेंडस न्यूज प्रतिनिधी । काम मिळवून देण्याची आमिष दाखवत एका परप्रांतीय तरूणीवर अत्याचार केल्याची संतापजनक प्रकार समोर आला आहे. ही घटना भुसावळ शहरातील एका भागात घडली असून याबाबत गुरूवारी २७ फेब्रुवारी रोजी रात्री १० वाजता भुसावळ बाजारपेठ पोलीस ठाण्यात दोन जणांविरोधात गुन्हा दाखल करण्यात आला आहे.
मेघालय राज्यातील १८ वर्षीय तरूणी ही काम मिळविण्यासाठी भुसावळ शहरात एप्रिल २०२४ पासून आलेली आहे. तिची मुन्नी नामक महिलेशी ओळख निर्माण झाली. या महिलेने तरूणला चेतन नावाच्या तरूणाशी ओळख करून दिली. दरम्यान चेतनने तरूणीला काम मिळवून देण्याची आश्वासन दिले. त्यानंतर तिच्याशी जवळीक साधून तिच्यावर वेळोवेळी अत्याचार केला. त्यानंतर पिडीत तरूणीला काम मिळाले नाही. अखेर या त्रासाला कंटाळून तरूणीने भुसावळ बाजारपेठ पोलीस ठाण्यात धाव घेवून तक्रार दिली. त्यानुसार गुरूवारी २७ फेब्रुवारी रोजी रात्री १० वाजता भुसावळ बाजार पेठ पोलीस ठाण्यात चेतन आणि मुन्नी (दोघांचे पुर्ण नाव माहित नाही) यांच्व्या विरोधात गुन्हा दाखल करण्यात आला आहे. पुढील तपास सहाय्यक पोलीस निरीक्षक अमितकुमार बागुल हे करीत आहे.
