जळगाव (प्रतिनिधी) देशाचे माजी प्रधानमंत्री राजीव गांधी यांची 28 वी पुण्यतिथी ‘दहशतवाद व हिंसाचार विरोधी’ दिन म्हणून मंगळवारी जिल्हाधिकारी कार्यालयात पाळण्यात आला.
जिल्हाधिकारी कार्यालयात आयोजित कार्यक्रमात निवासी उपजिल्हाधिकारी वामन कदम यांनी माजी प्रधानमंत्री राजीव गांधी यांच्या प्रतिमेस अभिवादन केले. श्री. कदम यांनी उपस्थित अधिकारी, कर्मचाऱ्यांना ‘दहशतवाद व हिंसाचार विरोधी’ शपथ दिली. उपजिल्हाधिकारी(महसुल) रविंद्र भारदे यांचेसह जिल्हाधिकारी कार्यालयातील अधिकारी व कर्मचारी उपस्थित होते.
