अमळनेर-लाईव्ह ट्रेंडस न्यूज प्रतिनिधी | भडगाव तालुक्यातील गोंडगाव येथील अत्याचार ग्रस्त मयत बालिकेच्या कुटुंबाच्या मदतीला अमळनेर येथील फिनिक्स सोशल अवेरनेस ग्रुप धावला आहे.
भडगाव तालुक्यातील गोंडगाव येथील बालिकेवर नराधमाने अत्याचार करून तिचा खून केल्याने तिचे कुटुंब प्रचंड दुःखात आहे. बालिकेच्या वडिलांची परिस्थिती गरिबीची असून ते अपंग आहेत. त्यांचा रोजगार बुडाला आहे.
या अनुषंगाने अमळनेर येथील फिनिक्स सोशल अवेरनेस ग्रुप च्या अध्यक्ष ऍड. ललिता पाटील , अनिता पाटील , डॉ प्रतिभा मराठे यांनी त्या कुटुंबाची भेट घेऊन तातडीची आर्थिक मदत केली असून आरोपीस कठोर शिक्षेसाठी पाठपुरावा करणार असल्याचे आश्वासन देखील त्या कुटुंबाला दिले आहे.
