थेरोळे गावात अवैध दारू व हातभट्टीविरोधात मोठी कारवाई !

जप्त केलेले साहित्य व दारूचा साठा नियमानुसार नष्ट करण्यात आला. गावातील युवकांना व्यसनापासून दूर ठेवणे, कुटुंबांमध्ये शांतता आणि सुरक्षित वातावरण निर्माण करणे तसेच समाजाला व्यसनमुक्त करण्याच्या उद्देशाने ही मोहीम राबविण्यात आली. कारवाईवेळी राज्य उत्पादन शुल्क विभागाचे अधिकारी व कर्मचारी, थेरोळे गावचे पोलीस पाटील तसेच तरुण मित्र परिवारातील निवृत्ती पाटील, पुष्पक पाटील आणि हर्षल पाटील यांची उपस्थिती होती.

गावातील अवैध दारू आणि हातभट्टी निर्मूलनासाठी सहकार्य करणाऱ्या राज्य उत्पादन शुल्क विभाग, पोलीस प्रशासन, पोलीस पाटील तसेच सर्व सहकाऱ्यांचे ग्रामस्थांकडून आभार व्यक्त करण्यात आले. यापुढेही थेरोळे गावात अवैध दारू विक्री, हातभट्टी किंवा कोणताही बेकायदेशीर व्यवसाय आढळल्यास तात्काळ प्रशासनाला माहिती देण्यात येणार असून, संबंधितांवर कायद्यानुसार कठोर कारवाई करण्यात येईल, असा इशारा देण्यात आला आहे. “दारूमुक्त थेरोळे – सुरक्षित थेरोळे” या संकल्पनेच्या पूर्ततेसाठी ग्रामपंचायत आणि ग्रामस्थ कटिबद्ध असल्याचे सरपंच शुभम पुंडलिक पाटील यांनी सांगितले.