मुक्ताईनगर प्रतिनिधी । मुक्ताईनगर विधानसभा मतदार संघासाठी माजी मंत्री आमदार एकनाथराव खडसे हे उद्या मंगळवारी सकाळी 11 वाजता आपला उमेदवारी अर्ज भरणार आहेत. आमदार खडसे हे मंगळवारी अर्ज भरणार असल्याने त्यांच्या चाहत्यांसह समर्थकांमध्ये उत्साहाचे वातावरण आहे. खडसे यांनी या वृत्ताला दुजोरा दिला आहे.
यांची राहणार उपस्थिती
माजी मंत्री खडसे हे दोन अर्ज भरणार आहेत. शहरातील नागेश्वर मंदिरापासून आपल्या चाहते व समर्थकांसह अर्ज भरण्यासाठी निवडणूक कार्यालयात जाणार आहेत. प्रसंगी खासदार खासदार रक्षा खडसे, बेटी बचाव बेटी पढावोचे राष्ट्रीय संयोजक डॉ.राजेंद्र जी.फडके, प्रदेश उपाध्यक्ष अशोक कांडेलकर, जेडीसीसी बँक अध्यक्षा रोहिणी खडसे-खेवलकर, जिल्हा परीषद उपाध्यक्ष नंदू महाजन, विधानसभा क्षेत्रप्रमुख रमेश ढोले, जिल्हा सरचिटणीस डॉ.सुनील नेवे., महायुतीचे सर्व पदाधिकारी, लोकप्रतिनिधीव कार्यकर्ते उपस्थित राहणार आहेत.
