जळगाव-लाईव्ह ट्रेंडस न्यूज प्रतिनिधी | गिरीश महाजन यांनी शिर्डी दौऱ्यावर असताना माध्यमांशी बोलताना एकनाथराव खडसे यांच्यावर जोरदार टीका केली आहे. एकनाथराव खडसे हे राष्ट्रवादी शरदचंद्र पवार पक्षाचे विधानपरिषदेचे आमदार असताना ही रावेर लोकसभा मतदारसंघातील भाजप उमेदवार आपली सून रक्षा खडसे यांचा प्रचार करत आहे. त्यांच्या या कृतीवर गिरीश महाजन यांनी टोला मारला आहे.
एकनाथराव खडसे यांनी अगोदर राष्ट्रवादीच्या आमदार पदाचा राजीनामा दयावा आणि भाजपमध्ये प्रवेश करून रक्षा खडसे यांचा प्रचार करावा, राजीनामा न देता भाजपचे काम करत असल्याने लोकांमध्ये गैरसमज होत आहे. एकनाथ खडसे कधी म्हणतात मी राष्ट्रवादीचा तर कधी म्हणतात मी भाजपचा आहे. विधानसभेला मुलगी तुतारी घेऊन उभे राहण्याच्या तयारीत आहे. खडसे यांची भूमिका संधीसाधूपणाची आहे. घरात सगळेच पक्ष ठेवायचे आहेत. यांनी आमदारकी आणि खासदारकीसाठी सगळ्यांचे काम करायचे. लोकांना असे राजकारण आवडत नाही. अशा शब्दात गिरिश महाजनांनी एकनाथ खडसे यांना सुनावले
