बुलडाणा-लाईव्ह ट्रेंडस न्यूज प्रतिनिधी | बुलढाणा जिल्ह्यातील खामगाव ते शेगाव रोडवर तीन वाहनांचा विचित्र अपघात झाला असून यात पाच जणांचा जागीच मृत्यू झाला आहे, या घटनेत २५ जण जख्मी झाले असून यातील सहा गंभीर जखमी झाल्याने मृतांची संख्या वाढण्याची भिती आहे.
खामगाव ते शेगाव दरम्यान असणाऱ्या जयपुर लांडे फाटा समोर हा अपघात झाला आहे.. पुणे येथून परतवाडा येथे जाणाऱ्या एसटी बसला मागून चार चाकी वाहनाने आधी धडक दिली, याानंतर खाजगी ट्रॅव्हल्स ने या दोन्ही वाहनांना उडवले.. सकाळी पाच वाजता झालेल्या या तिहेरी अपघातात पाच जणांचा जागीच मृत्यू झाला आहे. तर 6 जण गंभीररित्या जखमी झाले आहेत.. जखमींना स्थानिक शासकीय रुग्णालयात उपचारासाठी दाखल करण्यात आले आहे..
शेवटचे वृत्त आले तेव्हा मृतांची ओळख पटवण्याचे काम सुरू होते. अपघातामधील २४ जखमींना उपचारासाठी खामगाव येथील रूग्णालयात दाखल करण्यात आले आहे. जखमींमधील सहा जणांची प्रकृती अतिशय गंभीर असल्याची माहिती मिळाली आहे. जखमींपैकी काहींची प्रकृती चिंताजनक असल्याने त्यांना पुढील उपचारासाठी बुलढाणा आणि इतर मोठ्या रुग्णालयात हलवण्यात येत आहे. अपघातात काही प्रवाशांना किरकोळ दुखापत झाली.
पहाटे अपघात झाल्यानंतर जोरदार आवाज झाला, यामुळे स्थानिकांनी घटनास्थळी धाव घेत जखमींना मदत केली. तात्काळ पोलिस आणि आपत्कालीन सेवांना सूचना देण्यात आल्या. तर या अपघातातील मृतांची संख्या वाढण्याची भिती व्यक्त करण्यात येत आहे.
