भुसावळ प्रतिनिधी । येथील शहर पोलीस स्थानकाच्या पथकाने गौरव वाघ या तरूणाकडून देशी कट्टा जप्त करून त्याला गजाआड केले आहे.
याबाबत सूत्रांनी दिलेली माहिती अशी की, गौरव राजू वाघ (रा. शिवाजीनगर भुसावळ ) याच्याकडे देशी कट्टा असल्याची गुप्ता माहिती शहर पोलीस स्थानकाला मिळाली होती. यानुसार पोहेकॉ संजय पाटील, पो.ना. सुनिल सैदाणे व विजय पाटील यांनी गौरव राजु वाघ याच्याकडुन सुमारे दहा हजार रूपये किंमतीचा एक देशी कट्टा हस्तगत केला आहे. या प्रकरणी पुढील तपास शहर पोलीस स्थानकातर्फे सुरू आहे.
