दिल्ली-लाईव्ह ट्रेंडस न्यूज वृत्तसेवा | मार्क्सवादी कम्युनिस्ट पक्षाचे महासचिव सीताराम येचुरी यांचे वयाच्या ७२ व्या वर्षी निधन झाले. त्यांना १९ ऑगस्ट रोजी खूप ताप आल्याने दिल्लीच्या एम्समध्ये दाखल करण्यात आले होते. 25 दिवसांपासून त्यांच्यावर उपचार सुरू होते.
वृत्तसंस्था पीटीआयने दिलेल्या माहितीनुसार, त्यांना 19 ऑगस्ट रोजी खूप ताप आल्याने एम्समध्ये दाखल करण्यात आले होते, त्यानंतर त्यांना आयसीयूमध्ये दाखल करण्यात आले होते. ७२ वर्षीय सीपीएम नेत्याचे नुकतेच मोतीबिंदूचे ऑपरेशनही झाले होते.
येचुरी यांना फुफ्फुसात संसर्ग झाल्याचे सांगण्यात आले होते. अनेक दिवसांपासून डॉक्टरांचे पथक त्याच्यावर उपचार करत होते, मात्र त्याला वाचवता आले नाही. मार्क्सवादी कम्युनिस्ट पक्षाची सर्वोच्च संस्था असलेल्या पॉलिट ब्युरोचे येचुरी तीन दशक सदस्य होते. २००५ ते २०१७ या कालावधीमध्ये राज्यसभा सदस्य म्हणूनही त्यांनी काम केलं.
