यावल, प्रतिनिधी । तालुक्यातील चुंचाळे येथे जि प सदस्य तथा आरोग्य व शिक्षण सभापतील रवींद्र पाटील यांच्या निधीतून २८ रोजी दर्ग्याजवळ पेव्हर ब्लॉकचे भूमिपूजन करण्यात आले आहे. कामाचे भुमीपुजन ग्राम पंचायत सदस्य दगडु तडवी यांच्या हस्ते करण्यात आले आहे.
तालुक्यातील चुंचाळे येथे भाजपाचे साकळी दहिगाव गटाचे जिल्हा परिषद सदस्य तथा आरोग्य व शिक्षण सभापती रविंद्र सुर्यभान पाटील यांच्या जन सुविधा विकास निधीतून चुंचाळे येथे पंचक्रोशितील सर्वधर्मीय शेकडो नागरीकांचे श्रद्धास्थान असलेल्या हजरत गैबानशहा बाबा यांच्या दर्ग्याजवळ २ लाख रुपयांची निधी मजुर करुन पेव्हर ब्लाँकचे भुमीपुजन व प्रत्यक्ष काम दि. २८ मे रोजी करण्यात आले आहे. कामाचे भुमीपुजन भारतीय जनता पक्षाचे जेष्ठ सदस्य व ग्राम पंचायत सदस्य दगडु तडवी यांच्या हस्ते करण्यात आले आहे. यावेळी रविंद्र पाटील यांनी साकळी दहिगाव गटातील विकास कामे करण्यासाठी मी कटीबंद्ध आहे. तसेच पेव्हर ब्लाँक चे काम स्वतः उभे राहून ठेकेदाराकडून चांगल्या प्रतीचे करुण घ्यावे, अश्या सुचना भ्रमणध्वणीवरुन त्यांनी नागरीकांना व आपल्या कार्यकर्त्यांना दिल्या आहेत.
या प्रंसगी चुंचाळे ग्रामपंचायतीचे सरपंच सुंनदा पाटील, उपसरपंच नजिमा तडवी,सदस्य सुकलाल राजपुत,अनिल कोळी यांच्यासह ग्रा.प.सदस्य व कार्यकर्ते उपस्थित होते चुंचाळे येथे जिल्हा परिषद सदस्य रविद्र पाटील विविध विकास कामांसाठी निधी दिल्या बद्दल चुंचाळे प्रथम लोकनियुक्त सरपंच सुंनदा संजय पाटील यांनी त्यांचेआभार मानले.
