यावल प्रतिनिधी । यावल तालुक्यातील पिळोदा खुर्द येथील सीआयएसएफ जवान विकास पाटील यांचे चंद्रपूर येथे राष्ट्रीय सेवा बजावत असताना हृदयविकाराच्या तीव्र झटक्याने निधन झाले.
याबाबत अधिक माहिती अशी की, विकास पाटील यांच्या पार्थिव शरीरावर आज बुधवार (दि.२२ डिसेंबर) रोजी त्यांच्या मुळ जन्मगावी पिळोदा खुर्द तालुका यावल या गावात सकाळी नऊ वाजता शासकीय पद्धतीने अंत्यसंसस्कार करण्यात आले.
विकास प्रल्हाद पाटील हे गेल्या तीस वर्षापासून सिमेवर देशसेवा करीत होते. त्यांच्या निधनाची वार्ता त्यांच्या गावात पसरल्याने संपुर्ण गाव व परीसर हे शोकाकुल झाले आहे. त्यांच्या पश्चात पत्नी, दोन मुल, तीन भाऊ असा परीवार आहे. तर कैलास पाटील यांचे लहान बंधू असून शरद प्रल्हाद व विकास प्रल्हाद आर्मीमध्येच नोकरी करतात. या कुटुंबावर जो काळाने घाला घातला त्याबद्दल संपूर्ण परिसरावर दु:खाचा डोंगर कोसळलेला आहे.
