चाळीसगाव, प्रतिनिधी | येथील विधानसभा मतदार संघातील अपक्ष उमेदवार डॉ. विनोद कोतकर यांनी आज (दि.९) मतदार संघातील बिलाखेड, डोण, पिंप्री, तळोंदे, शिरसगाव या गावात झंझावाती प्रचारदौरा केला. गावागावात त्यांना मतदारांचा उत्स्फूर्त प्रतिसाद लाभला. त्यांचे चिन्ह फुगे आहे.
आपल्या ‘आई हॉस्पिटल’च्या माध्यमातून डॉ. कोतकर यांची गेल्या १२ वर्षांपासून ग्रामीण भागाशी नाळ जोडलेली आहे. त्यामुळे संपूर्ण तालुक्यात त्यांना ओळखणारे व मानणारे लोक आहेत. “माय माऊलींची सेवा करणाऱ्या डॉक्टरले आमदार बनाडा”
अशी भावना खेड्यापाड्यातील लोक व्यक्त करीत आहेत.
