मुंबई-लाईव्ह ट्रेंडस न्यूज वृत्तसेवा | मुंबई लोकसभा मतदारसंघातील शिवसेना खासदार रवींद्र वायकर यांचा मुंबईतील जोगेश्वरी येथील एसआरपीएफ कॅम्पच्या प्रवेशद्वाराजवळ कार अपघात झाला. रविवारी मध्यरात्रीच्या सुमारास पश्चिम द्रुतगती महामार्गाजवळ आयशर टेम्पोने वायकर यांच्या वाहनाला धडक दिली. अपघाताच्या वेळी रवींद्र वायकर कारमध्येच होते.
या अपघाताची माहिती मिळताच पोलिसांनी तत्काळ घटनास्थळी धाव घेतली. प्राप्त माहितीनुसार, अपघातावेळी टेम्पो चालक मद्यधुंद अवस्थेत होता. पोलिस या अपघाताचा तपास करत आहेत. सुदैवाने या अपघातात कोणतीही दुखापत किंवा जीवितहानी झाली नाही.
