पाचोरा-लाईव्ह ट्रेंडस न्यूज प्रतिनिधी । पाचोरा तालुक्यातील पिंप्री सार्वे गावातील एका घरातून ४ लाख रूपये किंमतीचे सोन्याचे दागिने चोरून नेल्याची घटना सोमवारी ७ एप्रिल रोजी उघडकीला आली आहे. याबात पिंपळगाव हरेश्वर पोलीस ठाण्यात गुन्हा दाखल करण्यात आला होता. गुन्हा दाखल होताच पिंपळगाव हरेश्वर पोलीसांनी अवघ्यास २४ तासात चोरट्यांला अटक केली आहे. त्यांच्याकडून चोरीला गेलेले दागिने जप्त केले आहे.
याबाबत अधिक माहिती अशी की, पाचोरा तालुकयातील सातगाव डोंगरी पासून ४ किलोमीटर अंतरवर असलेले पिंप्री सार्वे गावात आनंदा विठ्ठल पाटील हे वास्तव्याला आहेत. त्यांच्या घराच्या पत्र्याच्या खोलीतून चोरट्याने ६ तोळे सोन्याचे दागिने चोरून नेले होते. ही घटना सोमवारी ७ एप्रिल रोजी सकाळी उघडकीला आली. याबाबत पिंपळगाव हरेश्वर पोलीस ठाण्यात गुन्हा दाखल करण्यात आला होता. या गुन्ह्याचा तपास सुरू असतांना पोलीसांनी त्यांच्या घराच्या शेजारी राहणारा राजेंद्र किसन पाटील वय ४२ याला संशयित म्हणून ताब्यात घेतले. त्यांची कसून चौकशी केली असता चोरी केल्याची कबुली दिली. पोलिसांनी त्याच्याकडून ५० ग्रॅम वजनाचे सोन्याचे कडे, दहा ग्रॅम वजनाचा सोन्याचा नेकलेस आणि चांदीचे पायातील पैंजण असा सुमारे ४ लाख ८२ हजार रुपये किमतीचा मुद्देमाल जप्त केला आहे. आरोपीला तत्काळ अटक करण्यात आली असून, पुढील तपास सुरू आहे. २४ तासांच्या आत गुन्हा उघडकीस आणल्याबद्दल पिंपळगाव हरेश्वर पोलिसांचे कौतुक होत आहे.
