रावेर लाईव्ह ट्रेंडस न्यूज प्रतिनिधी । रावेर नगरपालिका निवडणुकीच्या रणधुमाळीला आज भाजपने जोरदार सुरुवात केली. नगराध्यक्ष आणि नगरसेवक पदाच्या उमेदवारांसाठी प्रचार रॅलीचे नारळ फोडण्यात आले, ज्यामुळे निवडणुकीच्या वातावरणात उत्साह संचारला. प्रचाराचा शुभारंभ करताना, सर्वप्रथम रावेरचे ग्रामदैवत पाराचे गणपती यांचे दर्शन घेऊन आशीर्वाद घेण्यात आले. त्यानंतर ढोल-ताशांच्या गजरात आणि कार्यकर्त्यांच्या प्रचंड गर्दीत रॅलीला सुरुवात झाली.
संगीता महाजन यांच्यासाठी जोरदार शक्तिप्रदर्शन
भाजपने रावेर नगरपालिकेच्या नगराध्यक्षपदासाठी संगीता भास्कर महाजन यांना उमेदवारी दिली आहे. त्यांच्या प्रचारार्थ काढलेल्या या रॅलीतून भाजपने आपली ताकद दाखवून दिली. संपूर्ण शहरात विविध घोषणा देत आणि भाजपचा झेंडा फडकावत कार्यकर्त्यांनी वातावरण निर्मिती केली.
मान्यवरांची उपस्थिती
या प्रचार शुभारंभप्रसंगी भाजपचे प्रमुख नेते आणि पदाधिकारी मोठ्या संख्येने उपस्थित होते. यामध्ये आमदार अमोल जावळे, डॉ. केतकीताई पाटील आणि प्रल्हाद पाटील यांच्यासह अनेक मान्यवर सहभागी झाले होते. या सर्व नेत्यांनी संगीता महाजन आणि भाजपच्या नगरसेवक उमेदवारांना विजयी करण्यासाठी कार्यकर्त्यांना आवाहन केले.
ढोल-ताशांच्या निनादात, ‘भारतीय जनता पक्षाचा विजय असो’, अशा घोषणांनी परिसर दणाणून गेला होता. आगामी काळात रावेर नगरपालिकेवर पुन्हा भाजपची सत्ता आणण्याचा निर्धार यावेळी व्यक्त करण्यात आला. या रॅलीमुळे रावेर नगरपालिकेची निवडणूक आता अधिक चुरशीची होणार असल्याचे स्पष्ट झाले आहे.
