अमळनेर (प्रतिनिधी) येथील डी.आर. कन्या शाळेची विद्यार्थिनी भैरवी ज्ञानेश्वर साळुंखे हिला मार्च २०१९ च्या दहावीच्या परीक्षेच्या संस्कृत विषयात शंभर पैकी शंभर गुण मिळाले आहेत. तसेच ती एकूण 91:80 टक्क्यांनी उत्तीर्ण झालीय.
या संदर्भात भैरवी साळुंखेशी संपर्क साधला असता ती म्हणाली, परीक्षेतील यश सतत वाचन, प्रश्नपत्रिका सराव, आजोबा,आई,वडीलांचे व शिक्षकांचे योग्य मार्गदर्शन यामुळे मिळाले. भविष्यात स्पर्धा परीक्षाच्या माध्यमातून अधिकारी होण्याचा मानस असल्याचेही भैरवीने सांगितले. भैरवीला डी.आर. कन्या शाळेचे शिक्षक मोराणकर,वर्गशिक्षिका जे.के सोनवणे मॅडम, बाविस्कर मॅडम व शिक्षक वृंद यांनी मार्गदर्शन केले. तिच्या यशाचे अभिनंदन माजी जिल्हा परिषद सदस्य व माजी प्राचार्य शांताराम पाटील,आई, वडील ग्रामसेवक ज्ञानेश्वर साळुंके यांनी केले आहे. तर मित्र परिवाराने सोशल मीडियाच्या माध्यमातून भैरवीवर अभिनंदनाचा वर्षाव केलाय.
