मुंबई प्रतिनिधी | राज्यातील आयपीएस अधिकार्‍यांच्या बदल्या करण्यात आल्या असून यात नाशिक परिक्षेत्राच्या उपमहानिरिक्षकपदी ज्येष्ठ अधिकारी बी.जी. शेखर यांची नियुक्ती करण्यात आली आहे.
राज्य सरकारच्या गृह खात्याने काल रात्री उशीरा ज्येष्ठ आयपीएस अधिकार्‍यांच्या बदल्या केल्या आहेत. यात नाशिक परिक्षेत्राच्या उपमहानिरिक्षकपदी बी.जी. शेखर यांची नियुक्ती करण्यात आली आहे. ते सध्या नवी मुंबईचे अपर पोलीस आयुक्त (गुन्हे) या पदावर काम पाहत होते. आता बदलीवर त्यांच्याकडे नाशिक परिक्षेत्राची जबाबदारी सुपुर्द करण्यात आली आहे. विशेष बाब म्हणजे बी.जी. शेखर यांनी प्रशिक्षणार्थी डीवायएसपी म्हणून जळगाव जिल्ह्यात कर्तव्य निभावले आहे. आता त्यांच्याकडे नाशिक परिक्षेत्राची जबाबदारी सोपविण्यात आली आहे.
प्रतापराव दिघावकर हे नाशिक परिक्षेत्राचे पोलीस महानिरीक्षक या पदावरून निवृत्त झाले. त्यानंतर गेल्या चार महिन्यांपासून हे पद पोलीस अकादमीच्या संचालक अश्वती दोरजे यांच्याकडे अतिरिक्त पदभार सोपविण्यात आला होता. यानंतर आता या पदाचा कार्यभार बी.जी. शेखर हे सांभाळणार आहेत.
