जळगाव-लाईव्ह ट्रेंडस न्यूज प्रतिनिधी | जामनेर येथील अवैध गौणखनिज वाहतुक करीत असतांना जप्त केलल्या वाहन मालकाविरुध्द दंडात्मक कारवाईचे आदेश देण्यात आलेले आहे. मात्र ज्या वाहनांच्या मालकांनी दंडाची रक्कम अदयापावेतो जमा केलेली नाही अशा वाहनांचा जामनेर येथील तहसिल कार्यालयात २६ डिसेंबर रोजी सकाळी ११.०० वाजता लिलाव करण्यात येणार आहे. यात भुषण जगन्नाथ वाघ, ज्ञानेश्वर दिनकर बाविस्कर, अरुण पंढरीनाथ नन्नवरे, तस्लीम कदीर पटेल यांच्या डंपर, ट्रॅक, आयशर या वाहनांचा लिलाव करण्यात येणार आहे. तसेच जमीन महसूलाची थकबाकीची रक्कम शासनास चलनाव्दारे जमा न केल्यामुळेधर्मराज शशीकांत पाटील, अविनाश उर्फ पिंटु शंकर सोनवणे हॉनेस्ट डेरीव्हीटीज प्रा.लि.चे डायरेक्टर राजरतन बाबुलाल अगरवाल यांच्या स्थावर मालमत्ता शासन जमा करण्यात आलेल्या आहे.
दंडाची/ जमीन महसूलाची थकबाकीची रक्कम वसुली करण्यासाठी या मालमत्तेचा जाहीर लिलाव 17 जानेवारी रोजी सकाळी ११ वाजता तहसिल कार्यालय येथे ठेवण्यात आला आहे. ज्या कुणाला ही मालमत्ता घ्यायची असतील त्यांनी 15 जानेवारी रोजी सांयकाळी ०५ वाजेपावेतो तहसिल कार्यालय संपर्क साधावा असे आवाहन जामनेरचे तहसिलदार यांनी केले आहे.
चाळीसगाव तालुक्यात अनाधिकृत गौण खनिज उत्खनन व वाहतुक करणारे वाहन जप्त करुन चाळीसगाव शहर पोलिस स्टेशन व मेहुणबारे पो.स्टे. येथे लावण्यात आलेले आहेत. अनाधिकृत गौण खनिज उत्खनन व वाहतुक केल्याप्रकरणी या वाहनाबाबत दंडात्मक नोटीस व आदेश देण्यात आलेले आहेत. परंतु संबंधित वाहन मालक यांनी दंडात्मक रकमेचा भरणा न केल्यामुळे जप्त वाहनांचा लिलाव करण्यात येणार आहे.
अटकावुन ठेवलेल्या वाहनांचे जळगाव येथील उप प्रादेशिक परीवहन अधिकारी यांच्याकडून मुल्यांकन प्राप्त झाले आहे. त्यामुळे या वाहनांचा लिलाव करण्यात येणार आहे. चाळीसगाव शहर पोलिस स्टेशन येथे 27 डिसेंबर रोजी सकाळी 11 वाजता, चाळीसगाव ग्रामीण पोलिस स्टेशन येथे 27 डिसेंबर रोजी दुपारी 2.00 वाजता आणि मेहुणबारे पोलिस स्टेशन येथे 30 डिसेंबर रोजी सकाळी 11 वाजता जप्त केलेल्या वाहनांना जाहीर लिलावाव्दारे विकण्यात येणार आहेत.
या लिलावात ट्रॅक्टर, बोलेरो, टेम्पो, ओमिनी, या वाहनांचा सामावेश आहे. लिलावात भाग घेऊ इच्छिणाऱ्यांनी वाहने प्रत्यक्ष बघुन घ्यावी. या वाहनांच्या दर्शनी भागावर लिलावातील वाहन असे नमुद करण्यात आलेले आहे. तसेच या लिलावात भाग घेऊ इच्छिणाऱ्या व्यक्तींनी लिलावात भाग घेण्याचा अर्ज, लिलाव होणाऱ्या मालमत्तेची हातची किंमत, अनामत रक्कम तसेच लिलावाच्या अटी व शर्ती या करिता चाळीसगाव येथील तहसिल कार्यालयाशी कार्यालयीन वेळेत संपर्क साधावा आणि जास्तीत जास्त नागरिकांनी लिलावात भागा घ्यावा अशी विनंती चाळीसगावचे तहसिलदार प्र. र पाटील यांनी प्रसिद्धीपत्रकाद्वारे केले आहे.
