भुसावळ लाईव्ह ट्रेंडस न्यूज प्रतिनिधी । भुसावळ तालुक्यातील दिपनगर येथील औष्णिक विद्युत केंद्राच्या आवारात लोखंडी भंगार साहित्य चोरून नेण्याचा प्रयत्न उघडकीला आला आहे. भंगार व मोटरसायकल सोडून दोन अनोळखी व्यक्ती पसार झाल्याची घटना रविवारी ८ डिसेंबर रोजी दुपारी ४ वाजता उघडकीला आली. याप्रकरणी सायंकाळी ७ वाजता भुसावळ तालुका पोलीस ठाण्यात अज्ञात दोन जणांविरोधात गुन्हा दाखल करण्यात आला आहे.
या संदर्भात अधिक माहिती अशी की, भुसावळ तालुक्यातील दिपनगर येथील औष्णिक विद्युत केंद्राच्या आवारात पडून असलेले ४४ हजार ८०० रुपये किमतीचे भंगाराचे साहित्य अनोळखी दोन जण दुचाकीवर घेऊन जात असताना रविवारी ८ डिसेंबर रोजी दुपारी ४ वाजता समोर आली आहे. हा प्रकार सुरक्षा अधिकारी व कर्मचारी यांच्या लक्षात आल्यानंतर त्यांना पाहून दोन्ही अनोळखी व्यक्तींनी दुचाकी व भंगार साहित्य जागेवरच सोडून पसार झाले. याप्रकरणी सुरक्षा अधिकारी सोमेश्वर मधुकर जाधव यांनी दिलेल्या फिर्यादीवरून सायंकाळी ७ वाजता भुसावळ तालुका पोलीस ठाण्यात अनोळखी दोन जणांविरोधात गुन्हा दाखल करण्यात आला. पुढील तपास पोलीस कॉन्स्टेबल योगेश पालवी करीत आहे.
