भुसावळ- प्रतिनिधी । भुसावळ शहराजवळील कंडारी गावातील हनुमान मंदिराजवळ बाकी असलेले पैशांवरून एका तरुणाला दोन भावांनी शिवीगाळ करत रस्त्यावरील वीटने मारहाण करून जखमी केल्याची घटना बुधवारी ५ फेब्रुवारी रोजी रात्री १ वाजता घडली आहे. या संदर्भात गुरुवारी ६ फेब्रुवारी रोजी दुपारी १.३० वाजता भुसावळ शहर पोलीस ठाण्यात दोन जणांविरोधात गुन्हा दाखल करण्यात आला आहे.
पोलीस सूत्रांनी दिलेल्या माहितीनुसार, अजय हिरामण सोनवणे वय-२४ रा. हनुमान मंदिराजवळ कंडारी हा हा तरुण आपल्या परिवारासह वास्तव्याला आहे. दरम्यान ५ फेब्रुवारी रोजी रात्री १० वाजेच्या सुमारास तो गावातील हनुमान मंदिराजवळ असताना त्याचा मोठा काकाचा मुलगा याच्याकडे काही पैसे बाकी होते. या कारणावरून गावात राहणारे चंद्रकांत दत्तू सोनवणे वय-२३ आणि मयूर दत्तू सोनवणे वय-२१ या दोन्ही भावांनी येऊन अजय सोबत पैशांवरून वाद घातला. त्यानंतर दोघांनी अजय सोनवणे याला शिवीगाळ करून लाथाबुक्क्यांनी बेदम मारहाण केली. तसेच रस्त्यावर पडलेली वीट तोंडावर मारून त्याला दुखापत केली. याप्रकरणी अजय सोनवणे याने भुसावळ शहर पोलीस ठाण्यात तक्रार दिली. त्यानुसार चंद्रकांत दत्तू सोनवणे आणि मयूर दत्तू सोनवणे या दोघांविरोधात गुरुवारी ६ फेब्रुवारी रोजी दीड वाजता भुसावळ शहर पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस नाईक जाकीर मंसुरी करीत आहे.
