पहूर-लाईव्ह ट्रेंडस न्यूज प्रतिनिधी | विद्यार्थ्यांनी जिद्दीने यश मिळवावे , आपले स्वप्न साकार करण्यासाठी प्रयत्नांची पराकाष्ठा करावी ,असे प्रतिपादन पहूर पोलीस स्टेशन चे पोलीस उपनिरीक्षक भरत दाते यांनी केले .महात्मा फुले शिक्षण संस्था संचलित डॉ . हेडगेवार प्राथमिक विद्यालय आणि सावित्रीबाई फुले माध्यमिक विद्यालयाच्या १९ व्या वर्धापन दिनानिमित्त आयोजित विद्यार्थी गुणगौरव सोहळ्याचे उद्घाटक म्हणून ते बोलत होते.
प्रारंभी सातवीच्या विद्यार्थिनींनी समूह नृत्याने उपस्थितांचे स्वागत केले . नववीच्या विद्यार्थिनींनी इशस्तवन सादर केले. सोहळ्याचे अध्यक्ष स्थान महात्मा फुले शिक्षण संस्थेचे संस्थापक अध्यक्ष बाबुराव घोंगडे यांनी भूषविले. याप्रसंगी प्रमुख अतिथी म्हणून पहूर कसबेच्या सरपंच आशाताई जाधव होत्या. सुरुवातीला महात्मा फुले , सावित्रीबाई फुले व डॉ . हेडगेवार यांच्या प्रतिमांचे पूजन करून दीप प्रज्वलन करण्यात आले . प्रास्ताविक मुख्याध्यापिका व्ही . व्ही . घोंगडे यांनी केले . प्राथमिक विभागाचे मुख्याध्यापक अजय देशमुख यांनी अहवाल सादर केला . ॲड . एस .आर .पाटील , निवृत्त केंद्रप्रमुख रामचंद्र वानखेडे यांनी मनोगत व्यक्त केले. याप्रसंगी संस्थेचे उपाध्यक्ष शांताराम पाटील , सचिव भगवान घोंगडे, कोषाध्यक्ष शंकर घोंगडे, संचालक लक्ष्मण गोरे, ज्ञानेश्वर लहासे, माजी जिल्हा परिषद सदस्य राजधर पांढरे, शंकर जाधव, उपसरपंच शरद पांढरे, पत्रकार संघाचे अध्यक्ष प्रवीण कुमावत, विक्रम घोंगडे, अर्जुन लहासे, श्रावण घोंगडे, ज्ञानेश्वर रोकडे, प्रभाकर गीते, दीपक जाधव, संतोष चौधरी, तुकाराम जाधव, सचिन कुमावत आदी मान्यवरांची उपस्थिती होती .
क्रीडा क्षेत्रात तायक्वांदो, ॲथलेटिक्स , खो -खो आधी स्पर्धांमधील विजेत्यांसह शासकीय चित्रकला परीक्षेतील गुणवंत विद्यार्थी व विज्ञान प्रदर्शनातील बाल संशोधकांना रोख बक्षीस देऊन सन्मानित करण्यात आले.जामनेर येथील आनंदयात्री परिवाराचे सदस्य गणेश राऊत आणि ज्ञानवेद प्रबोधिनीचे अध्यक्ष शंकर भामेरे यांच्यातर्फे मोनाली बनकर , जागृती चौधरी , गायत्री मोहणे यांच्यासह १ली ते १०वीपर्यंतच्या अनुक्रमे प्रथम , द्वितीय आणि तृतीय क्रमांक प्राप्त केलेल्या ४२ विद्यार्थ्यांना स्मृतीचिन्ह प्रदान करण्यात आले. डॉ . हेडगेवार प्राथमिक विद्यालयाची दिवंगत विद्यार्थिनी बालकवयित्री ज्ञानेश्वरी भामेरे हिच्या स्मृती प्रित्यर्थ ५ गरीब मुलींना शिवभक्त रंगनाथ महाराज यांच्यातर्फे शालेय गणवेशांचे वाटप करण्यात आले. कार्यक्रमाचे सूत्रसंचालन सांस्कृतिक प्रतिनिधी शंकर भामेरे यांनी केले . क्रीडा विभाग प्रमुख हरिभाऊ राऊत यांनी आभार मानले .यशस्वीतेसाठी पर्यवेक्षिका कल्पना बनकर , ज्येष्ठ शिक्षक अमोल क्षीरसागर यांच्यासह सर्व शिक्षक , शिक्षकेतर कर्मचाऱ्यांनी सहकार्य केले .यावेळी विद्यार्थी मोठ्या संख्येने उपस्थित होते .
