जळगाव प्रतिनिधी । शहरातील मुक्ताईनगरात राहणार्या प्रौढाने गळफास घेत आत्महत्या केल्याची घटना बुधवारी सायंकाळच्या सुमारास उघडकीस आली. याप्रकरणी जिल्हापेठ पोलिस ठाण्यात अकस्मात मृत्यूची नोंद करण्यात आली आहे.
याबाबत पोलिसांकडून मिळालेली माहिती अशी की, शहरातील मुक्ताईनगरातील रहिवासी नंदकिशोर भालचंद्र तिवास्कर (वय ४८) यांनी राहत्या घरात गळफास घेत आत्महत्या केल्याची घटना बुधवारी सायंकाळी ७ वाजेच्या सुमारास उघडकीस आली. दरम्यान त्यांची पत्नीच्या लक्षात ही घटना येताच त्यांनी मनहेलावणारा आक्रोश केला. याबाबतची माहिती मिळताच जिल्हापेठ पोलिस ठाण्याचे कर्मचार्यांनी घटनास्थळी धाव घेतली. त्यानंतर त्यांचा मृतदेह खाली उतरवित तो शवविच्छेदनासाठी शासकीय वैद्यकीय महाविद्यालयात दाखल करण्यात आला. याप्रकरणी वंदना तिवास्कर यांच्या खबरीवरुन जिल्हापेठ पोलिसात अकस्मात मृत्यूची नोंद करण्यात आली आहे.
