जळगाव-लाईव्ह ट्रेंडस न्यूज प्रतिनिधी । शहरातील मेहरूण बगीचामध्ये चिलममध्ये गांजा भरून नशा करणाऱ्या तीन जणांवर एमआयडीसी पोलीसांनी सोमवारी १० जून रोजी दुपारी ३ वाजता कारवाई केली आहे. याप्रकरणी सायंकाळी ७ वाजता एमआयडीसी पोलीस ठाण्यात वेगवेगळे तीन गुन्हे दाखल करण्यात आला आहे.
जळगाव शहरातील मेहरूण परिसरातील बगीचामध्ये काही तरूण हे बेकायदेशीरपणे चिलीममध्ये गांजा भरून नशा करत असल्याची गोपनिय माहिती एमआयडीसी पोलीस ठाण्याच्या पोलीसांना मिळाली. त्यानुसार पोलीसांनी सोमवारी १० जून रोजी ३ वाजता कारवाई केली. यात मयुर विठ्ठल रंधे वय २१ शिवकॉलनी, जळगाव, विनय बबन चव्हाण वय १९ रा. भूषण कॉलनी, जळगाव आणि आदित्य मनोज झोपे वय १८ रा. कोल्हे नगर, जळगाव या तिघांवर कारवाई केली. तिघांकडून नशा करण्यासाठी लागणारा गांजा जप्त केला आहे. याप्रकरणी सायंकाळी ७ वाजता एमआयडीसी पोलीस ठाण्यात वेगवेगळे तीन गुन्हे दाखल करण्यात आले आहे. पुढील तपास पोहेकॉ गणेश शिरसाळे, पोहेकॉ सचिन मुंडे आणि रामकृष्ण पाटील हे करीत आहे.
