भुसावळ-लाईव्ह ट्रेंडस न्यूज प्रतिनिधी | भुसावळ शहरातील समता नगर जुन्या वादातून एका तरुणाला शिवीगाळ करत धारदार वस्तूने वार करून जखमी केल्याची घटना शुक्रवारी २७ डिसेंबर रोजी रात्री १० वाजता घडली आहे. याप्रकरणी शनिवारी २८ डिसेंबर रोजी पहाटे ३ वाजता भुसावळ शहर पोलीस ठाण्यात एकावर गुन्हा दाखल करण्यात आला असून त्याला अटक करण्यात आली आहे.
आतिश रवींद्र खरात (वय -२९, रा. समता नगर, भुसावळ) हा तरुण आपल्या परिवारासह वास्तव्याला आहे. २७ डिसेंबर रोजी रात्री १० वाजता आतिश खरात हा भुसावळ शहरातील समता नगरातील बौद्ध विहार येथे उभा असताना संशय आरोपी सम्राट सुरेश बनसोडे (वय- ३६, रा. स्नेह नगर, भुसावळ) याने जुन्या वादातून आतिश खरात याला शिवीगाळ करत धारदार वस्तूने वार करून गंभीर दुखापत केली. जखमी झालेल्या आदेश खरात याला खाजगी रुग्णालयात उपचारासाठी दाखल करण्यात आले याप्रकरणी शनिवारी २८ डिसेंबर रोजी पहाटे ३ वाजता संशय आरोपी सम्राट सुरेश बनसोडे याच्या विरोधात भुसावळ शहर पोलीस ठाण्यात गुन्हा दाखल करण्यात आला आहे. पुढील तपास पोलीस निरीक्षक उद्धव डमाळे करीत आहे.
