निवारी, (मध्य प्रदेश) : वृत्तसंस्था । मध्य प्रदेशातील टिकामगढ जिल्ह्यातील निवारी तालुक्यात एक चिमुरडा बोअरवेलमध्ये अडकला आहे तीन वर्षांचा हा मुलगा खेळता खेळता बोअरवेलमध्ये पडला. सहायक पोलीस अधीक्षक प्रतिभा त्रिपाठी यांनी दिलेल्या माहितीत, हा चिमुरडा सेतपुरा गावचा रहिवासी आहे
मुलाला वाचवण्यासाठी प्रशासनाकडून प्रयत्न सुरू असतानाच सेनेचीही मदत घेण्यात आलीय. सेनेनं घटनास्थळी दाखल होत मुलाला बाहेर काढण्यासाठी शर्थीचे प्रयत्न सुरू केले आहेत.
मुख्यमंत्री शिवराज सिंह चौहान यांनी मुलगा सुखरुप बाहेर येईल, असा विश्वास व्यक्त केलाय. ‘ओरछाच्या सेतपुरा गावात बोअरवेलमध्ये पडलेल्या लहानग्या प्रल्हादला वाचवण्यासाठी स्थानिक प्रशासनासोबत सेनाही बचावकार्यात सहभागी झालीय. ईश्वर मुलाला दीर्घायुष्य प्रदान करो, आपण सगळेच यासाठी प्रार्थना करू’ असं ट्विट मुख्यमंत्री शिवराज सिंह चौहान यांनी केलंय.
