भुसावळ, प्रतिनिधी । जळगाव जिल्ह्यात व भुसावळ शहरांमध्ये करोना बाधितांच्या आकडा वाढत आहे. यावेळी भुसावळ शहरातील कोरोना योद्धे यांना प्रोत्साहन देण्याकरता भारतीय आर्मीतर्फे केक कापून त्यांच्या कामाची दाद देण्यात आली.
कोरोना विरुद्धच्या लढाईतील योद्धयांना प्रोत्साहन देण्याकरिता व त्यांचा उत्साह वाढवण्याकरता भारतीय आर्मीतील चव्हाण आज भुसावळमध्ये दाखल झाले होते. त्यांनी बाजारपेठ पोलीस आणि व नगरपरिषदेच्या हॉस्पिटलमध्ये कर्मचाऱ्यांसोबत केक कापून या योद्ध्यांना आर्मीच्यावतीने प्रोत्साहन देऊन त्यांच्या कामाची प्रशंसा केली. यावेळी आर्मीचे एस. राजावालवे, एस. के. पांडे, दिनेश, राजवीर सिंग, नरपत सिंह, संदीप आदी उपस्थित होते.
