भुसावळ लाईव्ह ट्रेंडस न्यूज प्रतिनिधी । भुसावळ नगरपरिषद निवडणुकीच्या प्रचाराची मुदत आता संपुष्टात येत असून, यासाठी अवघे काही तास शिल्लक राहिले आहेत. यामुळे निवडणुकीच्या रिंगणात असलेल्या विविध पक्षांच्या उमेदवारांसह अपक्ष उमेदवारांचीही मोठी धावपळ सुरू झाली आहे. प्रचाराच्या अंतिम टप्प्यात जास्तीत जास्त मतदारांपर्यंत पोहोचण्यासाठी उमेदवारांनी आपली संपूर्ण ताकद पणाला लावली आहे.
भुसावळ नगरपरिषद निवडणुकीत यंदा मोठ्या संख्येने उमेदवार रिंगणात उतरले आहेत. त्यामुळे मतदारांना आकर्षित करण्याचे आव्हान प्रत्येक उमेदवारासमोर आहे. शेवटच्या क्षणी मतदारांचे लक्ष वेधण्यासाठी आणि वातावरण निर्मितीसाठी अनेक उमेदवारांनी ढोल-ताशांचा वापर करत भव्य प्रचार रॅली काढल्या आहेत.
घरोघरी जाऊन भेटीगाठी घेणे, कोपरा सभा घेणे आणि मतदारांना आपल्या बाजूने वळवण्यासाठी शेवटच्या क्षणापर्यंत प्रयत्न करणे सुरू आहे. प्रचाराचा कालावधी संपल्यानंतर शांतता कालावधी सुरू होणार असल्याने, प्रत्येक उमेदवार मतदारांना आकर्षित करण्यासाठी अंतिम संधी साधत आहे. या धावपळीतूनच भुसावळ नगरपरिषदेवर कोणाचा झेंडा फडकणार, याचा अंदाज बांधला जात आहे.
