जळगाव – लाईव्ह ट्रेंड्स न्यूज प्रतिनिधी । जळगाव जिल्हा कृषि औद्योगिक सहकारी संस्थेत आज दिवंगत नेतृत्व, स्व. भाईसाहेब दिलीप देवराव निकम यांच्या सहाव्या पुण्यस्मरण दिनानिमित्त त्यांच्या प्रतिमेस पुष्पांजली अर्पण करून त्यांच्या स्मृतींना कृतज्ञतेचा मनोभावपूर्वक आदरांजली अर्पण करण्यात आली. त्यांच्या समाजोन्मुख कार्यपद्धतीचा आणि नेतृत्वगुणांचा गौरव करत अनेक मान्यवरांनी उपस्थिती लावली.
या प्रसंगी संस्थेच्या माजी अध्यक्षा शैलजाताई निकम, रितेश निकम, संचालक गजानन देशमुख, संजीव पाटील, रमेश आप्पा पाटील, कर्मचारी व्यवस्थापक व्ही. पी. पाटील यांच्यासह विविध क्षेत्रातील मान्यवरांनी सहभागी होत स्व. निकम यांच्या कार्याला उजाळा दिला. त्यांच्या कार्यकाळात संस्थेचा आर्थिक व सामाजिक विकास साधण्यात आलेली प्रगती, कृषी क्षेत्रासाठी केलेले उपक्रम व कामगार हितसंबंधांचे भान ठेवून घेतलेले निर्णय यांची आठवण यावेळी सर्वांनीच भावपूर्ण शब्दांत व्यक्त केली.
कार्यक्रमात प्रकाश पाटील, जानकीराम बाविस्कर, राजू पाटील, जयवंत निकम, विजय साळुंखे, साधना घोडके, परेश दीक्षित, भगवान पाटील, मयूर पाटील, हिरामण पाटील, शेखचंद पिंजारी, महेंद्र पाटील, अमर देशमुख, भूषण पाटील यांचीही उपस्थिती होती. या सर्व मान्यवरांनी स्व. निकम यांच्याविषयी आपल्या आठवणींना उजाळा देत त्यांचे मार्गदर्शन आणि नेतृत्व प्रेरणादायी असल्याचे नमूद केले.
स्व. भाईसाहेब दिलीप निकम यांनी जळगाव जिल्ह्यातील सहकार चळवळीत आपले ठसा उमटवला होता. त्यांच्या नेतृत्वाखाली संस्थेने ग्रामीण भागातील शेतकऱ्यांसाठी विविध उपक्रम राबवून सहकार्याची नवी दिशा निर्माण केली होती. त्यांच्या कार्याचा आदर्श घेत संस्थेने आज त्यांना आदरांजली वाहत त्यांची आठवण जिवंत ठेवली.
