पुणे-लाईव्ह ट्रेंडस न्यूज वृत्तसेवा | महाराष्ट्रामध्ये लवकरच मोठा पर्यटन महोत्सव आयोजित केला जाणार आहे. माहितीनुसार, दहावी आणि बारावीच्या परीक्षा संपल्यानंतर महाबळेश्वर-पाचगणी परिसरात भव्य तीन दिवसीय राज्यस्तरीय पर्यटन महोत्सव आयोजित करण्यात येणार आहे. महाराष्ट्राचे पर्यटन मंत्री शंभूराज देसाई यांनी याबाबत माहिती दिली. त्यांनी महोत्सवासाठी योग्य ठिकाण निवडण्याचे निर्देश प्रशासनाला दिले आहेत.
नुकतेच देसाई यांनी सातारा जिल्हाधिकारी कार्यालयात या भागातील मंजूर, चालू आणि प्रस्तावित विकास कामांचा आढावा घेण्यासाठी बैठक घेतली. निवडणूकीपूर्वी अनेक विकास कामांना मंजूरी देण्यात आलेली आहे. सध्या ही विकास कामे कोणत्या टप्प्यावर आहेत यासंबधीचा आढावा देसाई यांनी घेतला.
महाबळेश्वर हे महाराष्ट्रातील सर्वोत्तम हिल स्टेशन आहे. हे सह्याद्रीच्या सपाटीवर समुद्रसपाटीपासून सुमारे 4500 फूट उंचीवर वसलेले आहे. जुन्या बॉम्बे प्रेसिडेन्सीची ही पूर्वीची उन्हाळी राजधानी होती. तेथील विलक्षण हिरवळ, सुंदर बागा आणि श्वास रोखून धरणारे दृश्य पर्यटकांना भुरळ भुरळ घालतात. ब्रिटीश काळात बांधलेल्या असंख्य भव्य वाड्या आजही राजाचे स्मारक म्हणून इथे उभ्या आहेत. यासह महाबळेश्वर हे स्ट्रॉबेरीसाठी प्रसिद्ध आहे.
