जळगाव लाईव्ह ट्रेंडस न्यूज प्रतिनिधी । रस्त्याने पायी जात असलेल्या ५७ वर्षीय प्रौढ व्यक्तीला भरधाव वेगाने येणाऱ्या अज्ञात वाहनाने धडक दिल्याची घटना शुक्रवारी १३ डिसेंबर रोजी पहाटे साडेतीन वाजेच्या सुमारास राष्ट्रीय महामार्गावरील रत्नाकर नर्सरीजवळ घडली होती. यामध्ये गंभीर जखमी झालेल्या प्रौढाचा उपचार सुरु असतांना मृत्यू झाला. याप्रकरणी शनिवारी १४ डिसेंबर रोजी रात्री ९ वाजता धडक देणाऱ्या अज्ञात वाहन चालकाविरुद्ध एमआयडीसी पोलिसात गुन्हा दाखल करण्यात आला आहे.
जळगाव शहरातील रामेश्र्वर कॉलनीतील शांतीनारायण नगरात राहणारे रामचंद्र धनू माळी (वय ५७) हे आपल्या परिवारासह वास्तव्याला होते. शुक्रवारी १३ डिसेंबर रोजी पहाटे साडेतीन वाजेच्या सुमारास राष्ट्रीय महामार्गावरील रत्नाकर नर्सरीजवळून पायी जात होते. यावेळी भरधाव वेगाने येणाऱ्या अज्ञात वाहनाने त्यांना जोरदार धडक दिली होती. धडक दिल्यानंतर वाहन चालक हा तेथून पळून गेला. यामध्ये रामचंद्र माळी हे गंभीर जखमी झाले होते. त्यांच्यावर रुग्णालयात उपचार सुरु असतांना त्यांचा मृत्यू झाला. याप्रकरणी शनिवारी १४ डिसेंबर रोजी अज्ञात वाहन चालकाविरुद्ध एमआयडीसी पोलिसात गुन्हा दाखल करण्यात आला असून पुढील तपास पोलीस उपनिरीक्षक सचिन नवले हे करत आहे.
