भुसावळ-लाईव्ह ट्रेंडस न्यूज प्रतिनिधी । भुसावळ शहरातील हिरा हॉल येथे मित्राचे भांडण सोडविण्यसाठी गेलेल्या रिक्षा चालक तरूणावर ब्लेडने वार करून गंभीर जखमी केल्याची घटना शनिवारी २३ नोव्हेंबर रोजी सायंकाळी ६ वाजता घडली आहे. याप्रकरणी रविवारी २४ नोव्हेंबर रोजी रात्री १० वाजता भुसावळ बाजारपेठ पोलीस ठाण्यात एकावर गुन्हा दाखल करण्यात आला आहे.
याबाबत अधिक माहिती अशी की, सैय्यद फजल करीम शेख रफीक वय २२ रा. ३२ खाली, भुसावळ हा तरूण आपल्या परिवारासह वास्तव्याला असून रिक्षा चालवून तो आपला उदरनिर्वाह करतो. शनिवारी २३ नोव्हेंबर रोजी सायंकाळी ६ वाजता सैय्यद फजल हा भुसावळ रेल्वे स्थानकाहून प्रवाशी भरून रिक्षाने जात असतांना शहरातील हिरा हॉल जवळ त्याच्या मित्रांचे भांडण सुरू होते. त्यावेळी सैय्यद फजल हा भांडण सोडविण्यासाठी गेला असता संशयित आरोपी शेख अनवर शेख मुस्ताक रा. भुसावळ याने हातातील ब्लेडने सैय्यद फजल याच्यावर वार करून त्याला गंभीर जखमी केले. याप्रकरणी सैय्यद फजल यांनी दिलेल्या फिर्यादीवरून रविवारी २४ नोव्हेंबर रोजी रात्री १० वाजता संशयित आरोपी शेख अनवर शेख मुस्ताक याच्या विरोधात भुसावळ बाजारपेठ पोलीस ठाण्यात गुन्हा दाखल करण्यात आला आहे. पुढील तपास पोहेकॉ तेजस पारीस्कर हे करीत आहे.
