बोदवड-लाईव्ह ट्रेंडस न्यूज प्रतिनिधी । महाविकास आघाडीच्या मुक्ताईनगर मतदारसंघाच्या उमेदवार ॲड.रोहिणी खडसे यांनी बोदवड शहरातील विविध प्रभागात आठवडे बाजार भागात
रविंद्र भैय्यासाहेब पाटील, उदयसिंह पाटील यांच्या उपस्थितीत प्रचार रॅली काढून जनतेशी संवाद साधला.
यावेळी बोदवड शहरात जन आशिर्वाद पदयात्रा काढून नागरिक, व्यापारी, महिला तरुणांशी संवाद साधला. यावेळी नागरिक व्यापारी सर्व स्तरातून रोहिणी खडसे यांनी नागरीकांच्या भेटी घेतल्या. यावेळी नागरिकां सोबत संवाद साधताना ॲड. रोहिणी खडसे यांनी मार्गदर्शन केले. यावेळी बोदवड शहराचे माजी सरपंच कैलास माळी, राष्ट्रवादी काँग्रेस शरदचंद्र पवार पक्षाचे नगरपंचायत गटनेते जाफर शेख यांनी उपस्थितांना मार्गदर्शन केले. या रॅलीत राष्ट्रवादी काँग्रेस शरदचंद्र पवार पक्ष, भारतीय राष्ट्रीय काँग्रेस, शिवसेना उबाठा पक्ष, महाविकास आघाडीचे पदाधिकारी कार्यकर्ते आणि नागरिक मोठ्या संख्येने उपस्थित होते.
