जळगाव-लाईव्ह ट्रेंडस न्यूज प्रतिनिधी । शिवसेना-उध्दव बाळासाहेब ठाकरे पक्षाने आपल्या उमेदवारांची यादी जाहीर केली असून यात जळगाव जिल्ह्यातील दोन जागांचा समावेश आहे.
जळगाव जिल्ह्यातील पाच जागा जाहीर करून भाजपने याबाबत आघाडी घेतली आहे. यानंतर शिंदे गटानेही पाच जागा जाहीर केल्या आहेत. दरम्यान, महाविकास आघाडीच्या जागांची अद्यापही प्रतीक्षा होती. या पार्श्वभूमिवर, आज पक्षाने उमेदवारांची यादी जाहीर केली असून यात पाचोरा व चाळीसगाव या दोन जागांचा समावेश आहे.
शिवसेना-उबाठा पक्षाने चाळीसगावातून माजी खासदार उन्मेष पाटील यांनी उमेदवारी दिली आहे. यासोबत, पाचोऱ्यातून वैशालीताई सुर्यवंशी यांच्या नावांचा समावेश आहे. या यादीत जिल्ह्यातील अन्य नावांचा समावेश नाही. यामुळे आता जिल्ह्यातून फक्त दोनच ठिकाणी शिवसेना-उबाठा लढणार की दुसऱ्या यादीत इतरांना स्थान मिळणार ? याकडे आता सर्वांचे लक्ष लागले आहे.
