धरणगाव-लाईव्ह ट्रेंडस न्यूज प्रतिनिधी । धरणगाव शहरातील तहसील कार्यालयासमोरील पुलाखालून गेलेल्या रस्त्यावर भरधाव वेगाने जाणाऱ्या चारचाकी वाहनाने दिलेल्या धडकेत हिंगोणे येथील दुचाकीस्वार गंभीर जखमी झाल्याची घटना १४ सप्टेंबर रोजी सकाळी साडेदहा वाजता घडली होती. याप्रकरणी मंगळवारी २४ सप्टेंबर रोजी सायंकाळी साडेपाच वाजता धरणगाव पोलीस ठाण्यात चारचाकी चालकावर गुन्हा दाखल करण्यात आला आहे.
याबाबत अधिक माहिती अशी की, राजेंद्र जयसिंग मोरे रा. हिंगोणे ता.धरणगाव हे आपल्या परिवारासह वास्तव्याला आहे. ते हिंगोणे गावाचे पोलीस पाटील आहेत. १४ सप्टेंबर रोजी सकाळी १०.३० ते तहसील कार्यालयासमोर पुलाखालून दुचाकीवरून जात असतांना चारचाकी वाहन क्रमांक (एमएच १९ ईएल २३०७) ने त्यांच्या दुचाकीला जोरदार धडक दिली. या धडकेत राजेंद्र मोरे हे दुचाकीवरून पडल्याने गंभीर जखमी झाले. याप्रकरणी मंगळवारी २४ सप्टेंबर रोजी सायंकाळी साडेपाच वाजता धरणगाव पोलीस ठाण्यात चारचाकी वाहनावरील चालक देविदास रमेश महाजन याच्या विरोधात गुन्हा दाखल करण्यात आला आहे. पुढील तपास पोहेकॉ महेंद्र बागुल हे करीत आहे.
