जळगाव-लाईव्ह ट्रेंडस न्यूज प्रतिनिधी । हुंड्याच्या पैशांसह घरातील किरकोळ कारणावरून शिवीगाळ व मारहाण केल्याच्या रागातून विवाहितेने फिनाईल पिऊन आत्महत्या करण्याचा धक्कादायक प्रकार महाविर नगरात घडली आहे. याप्रकरणी जिल्हापेठ पोलीस ठाण्यात सोमवारी २ डिसेंबर रोजी दुपारी ३ वाजता पतीसह सासू यांच्या विरोधात गुन्हा दाखल करण्यात आला आहे.
याबाबत अधिक माहिती अशी की, जळगाव शहरातील विशाल कॉलनी वाघ नगर येथील माहेर असलेल्या सुकेशनी रोनित मेढे (वय-२२) यांचा विवाह महावीर नगरातील रोनित मिलींद मेढे यांच्याशी आठ महिन्यांपुर्वी रितीरिवाजानुसार झाला आहे. लग्न झाल्यानंतर काही दिवसातच सासू आणि पती यांनी हुंड्याच्या पैशांच्या कारणावरून विवाहितेला शिवीगाळ व मारहाण करत होते. रविवारी १ जानेवारी रोजी रात्री १० वाजता पती रोनित आणि सासु यांनी किरकोळ कारणावरून शिवीगाळ व मारहाण करत घरातून हाकलून देण्याची धमकी दिली. या छळाला कंटाळून विवाहितेने बाथरूममधील फिनाईल पिऊन घेत आत्महत्या करण्याचा प्रयत्न केला. विवाहितेने फोन करून आई व भावाला सांगितला. त्यांनी लागलीच धाव घेत मुलीचे घर गाठले व तिला अत्यवस्थ अवस्थेत असतांना खासगी रूग्णालयात उपचारार्थ दाखल करण्यात आले. आता विवाहितेची प्रकृतीस्थिर आहे. दरम्यान, याप्रकरणी विवाहितने जिल्हापेठ पोलीसात धाव घेवून तक्रार दिली. विवाहितेने दिलेल्या तक्रारीवरून सोमवारी २ जानेवारी रोजी दुपारी ३ वाजता जिल्हापेठ पोलीस ठाण्यात पती रोनित मिलिंद मेढे आणि सासू अशा मिलिंद मेढे यांच्या विरोधात गुन्हा दाखल करण्यात आला आहे. पुढील तपास जिल्हा पेठ पोलीस कर्मचारी करीत आहे.
