जळगाव-लाईव्ह ट्रेंडस न्यूज प्रतिनिधी । जिल्हा परिषद, जळगाव येथे आज, शुक्रवार, १२ सप्टेंबर रोजी एका महत्त्वपूर्ण कार्यक्रमात ८६ उमेदवारांना गट ‘ड’ संवर्गातील परिचर पदावर अनुकंपा तत्त्वावर नियुक्तीपत्रे देण्यात आली. जवळपास वर्षभरानंतर ही प्रक्रिया राबविण्यात आल्याने उमेदवारांमध्ये आणि त्यांच्या कुटुंबियांमध्ये आनंदाचे वातावरण होते. प्रशासनाने अत्यंत पारदर्शकपणे ही नियुक्ती प्रक्रिया पूर्ण केली.
पारदर्शक समुपदेशन प्रक्रिया
या नियुक्ती प्रक्रियेसाठी जिल्हा परिषदेच्या मुख्य कार्यकारी अधिकारी (CEO) मिनल करनवाल यांच्या उपस्थितीत उमेदवारांचे समुपदेशन घेण्यात आले. या प्रक्रियेत कोणताही गैरव्यवहार होऊ नये यासाठी विशेष काळजी घेण्यात आली. समुपदेशन संपल्यानंतर लगेचच पात्र उमेदवारांना त्यांच्या नियुक्तीचे आदेश दिले गेले. या पारदर्शकतेमुळे उमेदवारांनी समाधान व्यक्त केले. शासकीय नोकरी मिळाल्याने या कुटुंबांना आर्थिक आधार मिळाला आहे, ज्यामुळे त्यांच्या पुढील आयुष्याचा मार्ग सुकर होणार आहे.
अधिकारी आणि कर्मचाऱ्यांची उपस्थिती
या सोहळ्याला जिल्हा परिषदेचे अनेक वरिष्ठ अधिकारी उपस्थित होते. यामध्ये उप मुख्य कार्यकारी अधिकारी (सा.प्र.वि.) चंद्रशेखर जगताप, मुख्य लेखा व वित्त अधिकारी विनोद चावरिया, जिल्हा आरोग्य अधिकारी डॉ. सचिन भायेकर, उपयुक्त जिल्हा पशुसंवर्धन व दुग्ध व्यवसाय डॉ. प्रदीप झोड, कृषी विकास अधिकारी पद्भ्नाभ म्हस्के यांच्यासह इतर अधिकारी आणि कर्मचारी मोठ्या संख्येने उपस्थित होते. या सर्वांच्या उपस्थितीत हा कार्यक्रम यशस्वीपणे पार पडला.
