नवी दिल्ली-लाईव्ह ट्रेंड्स न्युज वृत्तसेवा । लोकसभेने  6 फेब्रुवारी राेजी सरकारी भरती परीक्षांमधील पेपरफुटी आणि चीटिंग रोखण्यासाठी ‘चीटिंग विरोधी’ विधेयक मंजूर केले. यानुसार, परीक्षेचे पेपर लीक करण्यासाठी किंवा उत्तरपत्रिकांमध्ये छेडछाड करण्यासाठी अधिकाऱ्यांशी संगनमत करणाऱ्यांना 10 वर्षांपर्यंत तुरुंगवास आणि 1 कोटी रुपयांचा दंड होऊ शकतो. याआधी, मंगळवारी संसदेच्या अर्थसंकल्पीय अधिवेशनाच्या पाचव्या दिवशी, जम्मू-काश्मीरच्या स्थानिक निवडणुकांमध्ये (महानगरपालिका आणि पंचायत) आरक्षणावरील चर्चेने सभागृहाचे कामकाज सुरू झाले. केंद्रीय गृह राज्यमंत्री नित्यानंद राय यांनी सोमवार, 5 फेब्रुवारी रोजी लोकसभेत जम्मू आणि काश्मीर स्थानिक संस्था कायदे विधेयक 2024 सादर केले होते.

येथे, राज्यसभेत संविधान (अनुसूचित जमाती) आदेश  विधेयक 2024 आणि संविधान (अनुसूचित जाती आणि अनुसूचित जमाती) आदेश विधेयक 2024 वर चर्चा सुरू झाली.त्याचवेळी लोकसभेत एका प्रश्नाच्या उत्तरात नित्यानंद राय म्हणाले की, आमचे सरकार महिलांना सातत्याने प्रोत्साहन देत आहे. केंद्रीय सशस्त्र पोलीस दल आणि आसाम रायफल्समध्ये 41 हजार 606 महिला सैनिक तैनात आहेत.