पाचोरा, – लाईव्ह ट्रेंड्स न्युज प्रतिनिधी । येथील चित्रकार, रांगोळीकार, व निर्मल इंटरनॅशनल स्कूल येथील कलाशिक्षक शैलेश लक्ष्मीकांत कुलकर्णी यांच्या चित्राची राज्यस्तरीय राज्य वार्षिक कला प्रदर्शनात व्यावसायिक गटातून निवड झाली आहे. या संबधीचा ई-मेल त्यांना नुकताच प्राप्त झाला आहे.
कलाशिक्षक शैलेश कुलकर्णी यांच्या द टॉप व्ह्यु – जर्नी ऑफ व्हीलेज या शीर्षकाखालील जलरंग अपारदर्शक या माध्यमातील चित्राची 61 वें महाराष्ट्र राज्य वार्षिक कला प्रदर्शन 2021-22 (राज्यस्तरीय) यासाठी व्यावसायिक गटातून त्यांची सर्वप्रथम च निवड झाली आहे. यापूर्वी देखील राज्य तसेच राष्ट्रीय स्तरावरील अनेक स्पर्धांमध्ये शैलेश कुलकर्णी यांच्या कलाकृतींची निवड झालेली आहे. त्यांच्या चित्राची राज्यस्तरावर निवड झाल्याने त्यांचे सर्व स्तरातून अभिंनदन करण्यात येत आहे.
