जळगाव प्रतिनिधी । शहरातील जुने जळगावातील विठ्ठल पेठ गॅरेज मेकॅनिकचे काम करणार ३५ वर्षीय तरूण गेल्या दोन दिवसांपासून बेपत्ता झाला आहे. शोधाशोध करून मिळून न आल्याने आज १५ डिसेंबर रोजी सकाळी शनीपेठ पोलीस ठाण्यात बेपत्ता झाल्याची नोंद करण्यात आली आहे.
अधिक माहिती अशी की, मधुकर भास्कर महाजन (वय-३५) रा. बदाम गल्ली, विठ्ठलपेठ जुने जळगाव हा गॅरेजवर मेकॅनिकचे काम करतो. गेल्या पाच ते सहा वर्षांपासून गॅरेजवर काम करतो. १३ डिसेंबररोजी सकाळी ६ वाजता बाहेर जावून येतो असे सांगून घरातून मधुकर महाजन निघाला. मात्र अद्यापपर्यंत घरी न अल्याने वडील भास्कर विठ्ठल महाजन यांनी नातेवाईक व मित्रमंडळी यांच्याकडे शोधाशोध सुरू केली परंतू आढळून आला नाही. वडील भास्कर महाजन यांच्या खबरीवरून शनीपेठ पोलीस ठाण्यात हरविल्याची नोंद करण्यात आली आहे. पुढील तपास शनीपेठ पोलीस कर्मचारी करीत आहे.
