जळगाव – लाईव्ह ट्रेंड्स न्युज प्रतिनिधी | शहरातील एका भागात राहणारे 17 वर्षीय अल्पवयीन मुलीला अज्ञात व्यक्तीने फूस लावून पळवून नेल्याची घटना घडली आहे. याबाबत शुक्रवार 4 नोव्हेंबर रोजी सायंकाळी 7 वाजता अज्ञात व्यक्ती विरोधात एमआयडीसी पोलीस ठाण्यात गुन्हा दाखल करण्यात आला आहे.
एमआयडीसी पोलिसांनी दिलेली माहिती अशी की, जळगाव शहरातील एका भागात 17 वर्षे मुलगी आपल्या कुटुंबीयांसह वास्तव्याला आहे. शुक्रवार 4 नोव्हेंबर रोजी पहाटे 4 वाजता अज्ञात व्यक्तीने 17 वर्षीय अल्पवयीन मुलीला काहीतरी फूस लावून पळवून नेल्याची घटना समोर आली आहे. मुलीच्या नातेवाईकांनी तिचा सर्वत्र शोध घेतला, परंतु मुलगी कुठेही आढळून आली नाही.
अखेरीस त्यांनी सायंकाळी 7 वाजता एमआयडीसी पोलीस ठाण्यात धाव घेऊन तक्रार दिली. त्यांच्या तक्रारीवरून अज्ञात व्यक्ती विरोधात गुन्हा दाखल करण्यात आला आहे. याबाबत पुढील तपास पोलीस उपनिरीक्षक दीपक जगदाळे करीत आहे.
